Turkey Defence Ministry sawi danin inkahna ni thumnaah Turkey sipaten Kurdish mi 277 vel an thah tawh a, mifirfiak 49 velte chu ralbantir an ni tawh a, raltlante tan haw-na kawng a inhawng \an a ni.
Kurdish kaihhruai Syrian Democratic Forces chuan an member mi 16 thi angin an sawi ve thung a, hliam 33 an awm tih a tarlang bawk.
Hetihlai hian US President, Donald Trump chuan Turkey leh Kurdish inkara remna palai hna thawk turin United States in duhthlan tur pathum a nei tih a sawi a, chung zinga pakhat chu Turkey bei let tura sipai tam tak tirh a ni a ti a, pahnihna chu sum leh pai lama Turkey hrek leh hrem a ni a, a tawp berna chu Turkey leh Kurdish inkarah inbiakremna neih tir a ni a ti.
