Taj Mahal satute kha India mi an nih lohna a awm lo, India mite thlan tui leh thisena sak a ni- UP CM

0
1092
views

UP CM, Yogi Adityanath-a chuan, Taj Mahal satute kha India mi an nih lohna a awm lo tih sawiin, a satu leh a sak chhan chu engpawh ni se, India mite thlan tui leh thisena sak a ni, a ti a, tun thla ni 26 hian Agra hi tlawh a, Taj Mahal leh he khawpuia hmun hmingthangte tlawh vek a tum thu a sawi. State Tourism Authority hotu, Awanish Awasthi pawhin Agra chei nan hian cheng vbc. 175 ruahman a nih thu a sawi. CM chuan, Taj Mahal pawh hi khawvel puma hriat hlawh, hmun hmingthang a nih avangin UP sorkarin a tlawhtute dawnsawn leh an khawsak nawmna tur a ngaihtuah reng a \ul tih a sawi a, heng zawng zawng atan hian cheng vbc. 370 ruahman a nih thu a sawi a ni. Hei hi an MLA, Sangeet Som a khakna nia ngaih a ni a, Taj Mahal satu, Mughal lalte chu ram phatsantu, Hindu te suat mang vek duhtu nia sawiin, India ram chanchin chu thlak a duh thu a sawi a ni.