Taliban lam thupuangtute sawi dan chuan sorkar palai-te hian inthlanpui ralmuang taka kalpui a nih theihnan puih an dil a, an pawl hruaitu tan-ina khung mek chhuah an phut pawh an remti a ni. Puan tawh angin thla thar ni 20 hian Afghanistan-ah inthlanpui neih tura ruahman a ni a, Taliban hian Afghanistan sorkar hi dan loa din, ram dang thilti thei zawkten an dah chawp tiin a lo sawi tawh \hin a, US sorkar nen chauh inbiakna an neih tur thu pawh an lo sawi tawh \hin a ni. US State Department leh Afghanistan President Ashraf Ghani-te chuan hemi chungchang hi engmah thu an la sawi lo a ni.
