province hrang hrang 16-ah inbeihna a thlen leh avangin hel pawl mi 8 leh civil mi paruk bakah sipai 8 an thi tih sorkar hotute chuan an sawi a, hetihlai hian US President Donald Trump-a chuan Taliban hruaitute nen boruak \ha tak hnuaiah an inbiak thu a sawi thung.
Taliban thupuangtu chuan US President leh Mullah Abdul Ghani Baradar te chu darkar chanve chhung vel telephone hmanga an inbiak thu a sawi a, Afghanistan-ah remna leh muanna a awm theih chu an duh ve ve a ni a ti.
Taliban lam sawi danin Trump-a hian secretary of state Mike Pompeo chu Afghan President Ashraf Ghani be turin a hrilh dawn a, Afghan sorkar leh Taliban te inkara inbiakna chhunzawm theih dan tur a dap dawn a ni.
US aiawh leh Taliban te inbiakna sawilan, mi tang inthleng tawn chungchangah inhriatthiam lohna a awm a, Afghanistan sorkar chu inbiaknaah hian a la tel ve rih lo a ni.
