Tamil lemchanthiam Rajinikant-a’n India ram puma \awng pakhat in hmantir tumna a awm chu thil vanduaithlak leh thil theih loh a ni a ti.

0
160
views

Home Minister Amit Shah-a’n hapta liamta-a Hindi chu ram inpumkhatna hmanrua a ni tih a sawi chungchang, mi \henkhatin an sawiselna chu Rajinikanth hian belhchhahin, \awng inang hman lam ni lovin, eng ram tan pawh inpumkhatna leh hmasawnna chu a pawimawh zawk a ni a ti a, Chennai \umhmuna chanchinbumite a kawmnaah \awng hman bik nei tura mi nawr luih tum chu thil dik lo a ni a, Hindi hmang tura nawrluih an nih chuan Tamil Nadu mai ni lo chhim lam state dangte pawhin an pawm thei dawn lo tih a sawi.

Home Minister Amit Shah chuan Hindi chu ram inpumkhatna thlentu a ni tih a sawi chu mi tam takin central sorkarin hindi hman luihtir a tumnaah an ngai a, lemchan thiam, politics-a zuanglut ta Kamal Haasan chuan hnamze chi hrang hrang inpumkhatna chu India din anih tirha a nihphung a ni sa a, tumahin an ti danglam thiang lo a ni a ti a, Karnataka Chief Minister BS Yediyurappa chuan a kaihhruai sorkarin Kannada \awng a dah pawimawhna chu engmahin a ti dal dawn lo tih a sawi a, Karnataka bikah chuan Kannada \awng chu \awng pui ber a ni reng dawn tih a sawi.

Kerala Chief Minister Pinarayi Vijayan pawhin Hindi in ram a ti pumkhat tih chu thu awmze nei lo a ni tih a lo sawi tawh bawk.