Tamil Nadu-a ram kangah mi 9 thi

Tamil Nadu Theni-a Kurangani ramhnuai kangah mi 9 an thi. Ram kang hi inrinni kal-ta a\anga in\an kha a ni a, mi 37 an tang tih hriat a nih hnuah, Defence Ministry chuan Indian Air Force Helicopter 3 leh Garud Commando-te a tir a, hriat theih chinah mi 21 an chhanchhuak tawh a ni. Thuneitute chuan tlang lawn, tang zingah hian hmeichhia 26 leh naupang 3 an tel ve tih an sawi a, an chhanchhuah zingah hian mi 11 chu kang vangin damdawiina enkawl mek an ni tih an sawi bawk a ni. Defence Minister, Nirmala Sitharaman chuan helicopter hmangin ram kang hi \helh tumin an bei mek tih a sawi a, State CM E Palaniswami chuan ram kang hi nasa viau mahse, an thunun theih thuai an beisei tih a sawi a, kangmei chhuah chhan an la hriat theih mai loh thu te leh, he ramhnuai tlawh chungchangah, venhimna uluk zawk dah a ngaih thu te leh tuna an mi chhanchhuah-te pawh hian phalna la lova ramhnuai hi tlawh an nih thu-te a sawi bawk a ni.