Tamil Nadu-ah bus hnathawk nuar chhunzawm zel

Tamil Nadu-ah bus hnathawkte an nawrh avangin bus 14,000 vel a ding a, veivah nana bus hmang \hinte pawhin autorickshaw leh taxi an hmang a, thui tak tak ke-a kal a ngai bawk a ni. Transport hnathawkte hi ni thum chhung, a zawnin an nuar a, hlawh pun ngiata nuar an ni a, Chennai leh khawpui dangah veivah a harsa hle a ni. Hnathawktu pawl 12 aiawhte leh state Transport Minister chu an thil ph<t chungchangah hian inbe mah se, hmasawnna a awm loh avangin an nuar ta nia hriat a ni a, Madras High Court chuan nawrh hi an tihtawp loh chuan, hnathawktu nuarte hi chawlhtir leh ban hial theih an ni tih sawi mah se, lungawi lote hian an nawrh zel tur thu an sawi. Tamil Nadu-ah hian zinna leh veivah nana bus hmang \hin, mi vbc. 2 chuang an awm a, Transport department chuan an nawrh avanga harsatna zualpui sut kian nan heng bus lo khalh lailawktu tur a dap nia hriat a ni. Transport Minister, M R Vijaya Baskar chuan hnathawktu nuarte chu an hna thawk chhunzawm thuai turin a ngen a, hlawh erawh chu ennawn a nih loh tur thu sawiin, sorkar hnathawk dangte hlawh chu kum 10 danah ennawn \hin a ni a, transport hnathawkte hlawh chu kum thum danah ennawn ziah niin a sawi. Tamil Nadu sorkara Transport dept. hian bus 22,500 vel a nei a, a enkawltu pawh 1,40,000 vel an ni a, an hlawh chu zaa 2.57-a tihpun an ph<t a, sorkar erawh chuan zaa 2.44 aia sanga tihpun a remti lo a ni.