Tamil Nadu-ah vaihlo thial chi, Gutkha a ruka zuar tura intham chungchang thubuai-ah CBI-te’n State Health Minister C Vijaya Baskar leh DGP, TK Rajendran-te in an dap a, Police Commissioner hlui, S George in bakah, Food Safety Department thuneitute in eng emaw zat an dap bawk.

Tamil Nadu-ah hian kum 2013 khan Gutkha vaihlo \hial chi reng reng siam chhuah emaw, dah\hat emaw hralh khapna dan siam a ni a, kum 2016 July khan vaihlo-a sumdawng \hin-te pisa leh chenna in leh kudam-te dap a ni a, an dap zing ami, Madhav Rao-a chenna ina lehkhabu an man zingah, thuneitu \henkhatte hnena thamna pek a nih dan chhinchhiahna hmuhchhuah a ni a, May thla khan CBI-te chuan Tamil Nadu sorkar-a thuneitu \henkhat bakah, Excise Department leh Food Safety Department-a hnathawk-te lakah FIR a ziaklut a ni. He thubuai hi State Anti-Corruption Branch-in a chhui hnuah, kumin April thla khan CBI-te kutah hian Madras High Court chuan a lo dah tawh a, CBI lam chuan Madhav Rao hi kar kalta khan thu an zawtfiah tawh tih an sawi a ni.