Tamil Nadu sorkarin MLA-te hlawh a let hniha tihpunna bill pass

Tamil Nadu sorkarin MLA te hlawh, a l>t hniha tihpunna bill a pass a, nakt<k a\anga hman tur a ni. Tamil Nadu-a MLA te thla khat hlawh hi Rs 55,000 a ni a, cheng 1,05,000 an hlawh tawh ang. He state-a sorkar hnuaia bus driver te, hlawh pun ngiata an nawrh lai takin MLA te hlawh tihpunna tur hi pass a ni a, AIADMK tih loh, pawl dang zawng zawng chuan kar kal ta Ningani tlai a\anga nuar, sorkar bus driver-te thil ph<t hi an thlawp vek a ni. An nawrhna avang hian he state mipuiten veivahna kawngah harsatna an tawk nasa hle a, an thil ph<t hi sorkarin tihhlawhtlin a remti si lo a ni. State sorkar chuan, tunah hi chuan an bus zatve chu a tlan leh tawh niin a sawi a, mahse mipuiten harsatna an la t^wk tho a, state Assembly inkhawmah pawh DMK hruaitu, M.K. Stalin-a chuan CM chu hnathawk lungawi lote be turin a ngen a, AIADMK peng pakhat hruaitu, T.T.V. Dinakaran-a pawhin MLA a nih hnua a thusawi hmasak berah, state sorkar chu bus khalhtute harsatna su kiang turin a ph<t a ni. MLA hlawh chungchang an ngaihtuahnaah pawh hian MK Stalin-a chuan, hlawh tihsan ph<ta nuarte, sorkarin a ngaihsak loh laia MLA te hlawh tihpun a nih chuan, mipuiten sorkar chu an nuihzat hle dawn niin a sawi a, state CM, Edappadi K.Palanisamy chuan nuarte chu an nawrh titawp a, an hna thawk chhunzawm thuai turin a hrilh thung a ni.