Targeted Intervention programme hnuaia NGO-te hnathawh dan thlirlet

0
557
views

MSACS hmalaknaa Targeted Intervention programme hnuaia thawktu NGO-te hnathawh dan thlirletna leh hmathar lak dan tur sawi hona, HIV Sentinel Surveilance Review Meeting chu vawiin khan Aizawla MZP Pisa Conference Hall-ah neih a ni a. A kaihruaitu MSACS Project Director, Dr. Lalmalsawmi Sailo chuan, HIV darh zel tur ven kawnga a taka hmalatu NGO hrang hranga Project Manager-te chu an hnuaia thawktute hnathawh dan uluk lehzuala vil tura chahin, tun hnaiah Heroin a hluar nasat avangin ruahmanna danglam leh tha zawk siam a tul thu a sawi a ni. He sawi honaah hian NACO-in ruihhloa inchiu thinten NGO enkawl Drop-in Centre ni lo hmun dang atanga inchiuna hriau thar an lak theih nana Secondary Distribution of Needle and Syringes siam tura a tih chu a hmun tur hmuh a harsat thu tarlan a ni. Report atanga a lan danin, India ram pumah Mizoram chu nu naupai zinga HIV vei hmuhchhuah tamna ber niin, chahrualin India ram puma naupai thisen endik atanga zaa 0.28-in HIV an kai tih hmuhchhuah a ni a, Mizoramah bikah chuan zaa 1.19-in HIV an kai a ni.