TDP leh YSR Congress-in Lok Sabha-ah no-confidence motion pu lut

Telugu Desam Party leh YSR Congress-te’n Special Category-a Andhra Pradesh hlankai an phutna kal zelah, nimin khan Lok Sabha-ah no-confidence motion an pu lut. No Confidence Motion an putluh ni, niminah rorel theih loh khawpa Lok Sabha inkhawm a buai avangin he no-confidence motion hi pawm a la ni lova, karleh thawh\anniah motion thlawptu MP 50 an tlin leh tlin loh Speaker-in a enfiah hnuah he no confidence motion hi ngaihtuah chhunzawm a ni ang. Tun dinhmunah he no confidence motion hi Indian National Congress, Trinamool Congress, AAP leh Left party tam zawkte chuan an thlawp dawn tih an sawi tawh a, eptu pawl zawng zawng leh NDA-a party dangten thlawp mahse, BJP chauh pawh hian Lok Sabha Member 297 lai a neih avangin he no confidence motion put luh tum avang hian sorkar a tla thei dawn chuang lovah ngaih a ni.