Telangana-a Maharaja Sayajirao University zirlai hluiin University Pisa hal

0
701
views

Telangana-a Maharaja Sayajirao University-a lemziah zir thin, Chandra Mohan chuan kum 11 kalta-a he University atanga a lo zir zawh tawh, Post Graduate Degree tun thlenga pek a la nih loh vangin University Pisa-ah kangmei a tichhuak. Mohan hian University Vice Chancellor, Vyas hmuh a tum a, a hnuaia hnathawkte nen an inhnial buai ta niin Police ten an sawi a, Mohan hian sofa-ah petrol leihbua-in a hal zui ta mai niin an sawi. Kangmei chhuak hian pindan pahnih a ti chhe vek a, lehkha pawimawh eng emaw zat a kan ral bakah, hnathawktu pakhat a hliam tih thuneitute chuan an sawi a, Vice Chancellor hi Gandhinagar-a a zin lai a nih vangin, a pisa-ah hian a awm lo a ni.

Chandra Mohan hi kum 2007 khan he University-ah hian a zir chhuak a, Hindu pathian lem a ziah thenkhatah, mipat hmeichhiatna lam rawngkai a pholan tel avangin sawi a lo hlawh hle tawh a, a lemziahte hian lemziaktute zalenna chungchangah inhnialna tam tak a chawk chhuak bawk a ni.