He zaipawl intihsiakna hi TSAY-in India Eastern Territory pum huapa \halaite rawngbawlna kawnga thawhhona \ha zawk leh zaipawl rawngbawlnaa hmasawnna a awm theih nana a buatsaih a ni a, hetah hian Mizoram hmun hrang hranga Corps 23-a \halaite an tel a, August thla laihawl khan First Round intihsiakna neih a ni a, Top 10-a tlingte chuan zaninah Final intihsiakna nei dawn a, zanina zai turte chu Aizawl Bazar Corps, Aizawl Tlangnuam Corps, Armed Veng South Corps, Chaltlang Corps, Chanmari West Corps, Ebenezer Corps, Enna Corps, Luangmual Vengthlang Corps, Ramthar Corps leh Salem Corps te an ni. TSAY Songsters Competition-ah hian lawmman pakhatnain Trophy, Citation leh tangkafai Rs.1,00,000/-, lawmman pahnihnain – Citation leh tangkafai Rs.50,000/-, pathumnain Citation leh tangkafai Rs. 30,000/- bakah top 10-a langte hnenah Citation leh lawmman hlan vek tur a ni.
