Thailand lal thar dahnghehna leh lawmna ni thum chhung neih turah a ni khatnaah lal Maha Vajiralongkorn chu lallukhum khumtir a ni.

0
343
views

lal Vajiralongkorn hian kum 2016-a a pa Bhumibol Abulyadej thih khan lal nihna dinhmun hi a lo rochun tawh a, ni rei lote liamta khan lal hian nupui atan hun rei tak chhung a bula lo cheng tawh Suthida a neih thu puan chhuah a ni a, hei hian mite mak tih a hlawh hle a ni.

Thailand ah hian an ram danpui hnuaiah lal hi an nei chhunzawm zel a, lal te hian ngaihsan leh ngaih pawimawh an la hlawh nasa hle a ni. Thailand hian an lal te sawisel khapna dan khauh tak an nei nghe nghe a, he dan hnuaiah hian lal chhungkua chu mipuiten an sawisel khap a ni.

Vawiina lal thar, kum 69 mi khumtir tak lallukhum hi kg 7.3 a rit a ni a, lallukhum a khum zawh hian thu sawiin a pa hnung zuiin dikna nen ro a rel tur thu a sawi.

Thailand ah hian kum 2014 khan sipaiten rorelna an kuta an lak hnuah March ni 24 khan inthlanpui neih a ni a, tunah hian sorkar thar a la ding chiah lo a, politics boruak chiang lo tak hnuaiah lal thar lakluhna hi buatsaih a ni.