Thailand puka naupang tang zawngtute zing ami, Vernon Unsworth-a’n mimal company lian ber te zing ami, Tesla leh SpaceX hotupa Elon Musk-a lakah intihhmingchhiat thubuai a siam.

0
504
views

 

Puan tawh angin Elon Musk chuan Unsworth hi mipat hmeichhiat kawnga naupang it ching leh naupang pawh pawngsual tawh tiin July thla khan a lo sawi tawh a, hei hi Unsworth chuan khawvel pum huapa amah tihmualphona a nih thu leh a hming a tih hliau vangin zangnadawmna US Dollar 75,000 pek a phut a ni. Unsowrth hi British mi a ni a, a ukul L. Lin Wood chuan Elon Musk hian thlawptu leh sum a ngah vang ringawtin dawt thudika a chan tir theih loh thu leh dik lo taka thu a sawi chu a lukhawng a tuar ngei tur a ni a ti a ni.

June thlaa naupang rual Thailand puka an tan \um khan Unsworth hi he puk lo thlithlai tawhtu a nih vangin thuneitute chuan anmahni pui turin an sawm a, hetih lai hian Elon Musk pawh hian a chhawr lai engineer te leh a tuihnuai lawng a siam thar hmangin chhanchhuah hna thawh a lo dil ve mek bawk a, hei hi Unsworth chuan intihlar tumna leh hman tlak lo a tih vangin an pahnih hian \awngkamin an inbei zui ta a ni.