Chhattisgarh-a campaign theih hun chhung hi zanin-ah a tawp dawn a, Amit Shah hian an party manifesto a puan hnuah, state CM Raman Singh chu Naxal hel pawlte do kawngah hna a thawk \ha hle niin a sawi a, state hnufual zinga tel \hin Chhattisgarh chu BJP kaihhruai sorkar-in a khai chhuah thu a sawi bawk a ni. Congress lam pawhin zirtawpni khan an party manifesto an lo puang tawh a, district tinah ei tur sawngbawlna hmun din an tum thu sawiin, loneitute’n an thlai thar chhuah man man zawka an hralh theih tawh tur thu leh an fate pawhin hna an neih theih tawh tur thu an party President Rahul Gandhi chuan a sawi a, loneitute loan leiba ngaihdam bakah zu hralh khapna dan zam an tum thu te a sawi bawk a ni.
