Thawh\anni-a Indonesia-a Lion Air thlawhna tla chu khawl chanchin inchhinchhiahna, black box chu vawiin khan hmuh a ni.

0
981
views

 

Puan tawh angin thlawhna hi Jakarta khawpui hnaih tuipui-ah a tla a, feet 115 vela thuk-ah a awm mek a, Indonesia Search and Rescue Agency hotu, Muhammad Syaugi chuan thlawhna them nawi leh bungraw hrang hrang an hmuh tawh thu leh a peng lian ber nia ngaih pawh a awmna bawr vel an hriat tawh thu a sawi a, a chhungah mihring ruang \hahnem tak a la awm rin a nih vangin hmuh a nih hunah khawl hmanga khai chhuah tum a ni tih a sawi bawk a ni. Thlawhna hi tui hleuh thiamte’n an zawng mek zela, a tlakna bawr velah hian kawlphetha pekna pipe kal tir a nih avang leh tuifawn a nat deuh avangin a zawn hna hi hmanhmawh theih a ni lo tih thuneitute chuan an sawi a ni.