Thawhlehni-a Mexico hmar lam Durango State-a khualzin phur thlawhna Aeromexico Flight chesual-a thil awmdan chhinchhiahna khawl chu hmuh chhuah a ni tawh a, kha thlawhna tlaah khan a chuang zawng zawng khualzin 103 chu an him vek a, 97 te erawh chu an hliam a ni.

0
559
views

Thlawhna thlawh laia thil thleng chhinchhiahna Black Boxe tia sawi hi thlawhna chetsual chhan zir chian nana thil pawimawh tak a ni a, tun dinhmunah chuan he thlawhna AM2431 tlak chhan dik tak chu hriat theih a la ni rih lo a ni. Thlawhna hi khaw chiat vanglai takin a thlawk chhuak a, runway bul lawkah a tla a, a chhunga chuangte an insaseng fel hman \awk tihah a kang zui a ni. He thlawhna-a chuang ve pakhat Lorenzo Nunez chuan thlawhna chu \ekin a deng ni ngeia a hriat thu a sawi. Aeromexico chuan khualzin hliam tuar te zinga 64 te chu damdawiin a\anga chhuah tir an nih tawh thu a puang a, hliam zinga a na zual zingah hmeichhe naupang pakhat a tel a, a taksa a kang hliam nasa hle a ni.