Thawhlehni kaltaa Maharashtra-a ruah sur nasa vanga Tiware tuikhuah a chhiat avanga chhiatna hrang hrang thlengah mi 14 an thi tawh a, mi 11 chin hriat lohin an la awm.

Thawh\anni leh thawhlehni-a nasa taka ruah sur khan tuikhuah hi a tichhia tih thuneitute chuan an sawi a, tuikhuah chim hian a mawng lama awm khua pasarih-ah tui a ti lian nasa hle a, chenna in 12 leh lirthei 20 chu a len chhe vek a ni. Mi bo zawng tur hian state police-te bakah National Disaster Reponse Force-te tirh an ni tawh a, State CM Devendra Fadnavis chuan tuikhuah chhiat chhan hi uluk taka chhui a nih tur thu leh a mawhphurtute chu na taka hrem an nih tur thu a sawi tawh a ni. Tiware tuikhuah hi kum 15 vela upa a ni tawh a, a chhehvela chengte’n an sawisel deuh avangin kumin May thla khan an lo siam\ha tawh a ni.