PRISM Party ticket-a Lok Sabha inthlanna lo chuh tawhtu, Pu TBC Lalvenchhunga hian chakma panga, Atul P Chakma, Sadhan Chakma, Amit chakma, Rina chakma leh Amisha Chakma te hian thu phuahchawp hmangin mizote leh chakma te inkara buaina chawh chhuah tumin in ruak kang chu mizote hal angin social mediaah an thehdarh tih FIR a thehluhah hian a sawi a, Coronavirus darh zel tur vengtu Mizoram IR bn sipai pahnihte Tripura ramri-a kutthlak an nih hnuah heng chakma pangate hian thu dik lo hmangin chi leh chi inkara buaina chawh chhuah tumin thu dik lo an thehdarh a ni a ti.
Pu TBC Lalvenchhunga hian thu dik lo thehdarhtu chakma ten dan hnuaia hremna an hmuh theihna turin FIR hi Champhai Police Station ah a thehlut a, Champhai Police te hian SP CID (Crime) Mizoramah a tul anga bawhzui turin FIR hi an thawn chhawng a ni.
