UN leh UK te chuan tharum thawhna chhuak chu an ngaihmawh thu an sawi ve ve a, mipui pungkhawm lam hawia sipaiten silai an hmehpuah avangin mi pathum an thih phah a ni. November thlaa Robert Mugabe paihthlak ahnih hnu-a Zimbabwe Parliament inthlanah hian rorellai Zanu-PF in hnehna an chang a, eptu pawl te chuan Zanu-PF chu inthlanna-a vote tla te ti chingpenah an puh a. Result kimchang hi puan a la ni thei ta rih lo a ni. Eptu pawl MDC Alliance chuan an candidate Nelson Chamisa chuan president nilai Emmerson Mnangagwa chu a hneh niin an sawi a, Zanu-PF hi Zimbabwe in independence a hmuh tirh a\angin kum 38 chhung ro an rel tawh a ni.
President Mnangagwa chuan buaina chhuak ti reh turin Chamisa chu a be pawp tawh tih a sawi a, remna leh muanna vawng tura hmalak a ni a ti a, Nilaini-a buaina chawk chhuaktute chu man chhuak-a hrem ngei an ni ang a ti bawk.
