Thenzawl Tualvungi Venga Integrated Ayush Hospital bula State Medicinal Plant Board Nursery a\angin Thenzawla loneitu, Thenzawl Medicinal Plants Grower Society member 36 hnenah ramhmul damdawi Archangkawm \iak sem a ni.

0
172
views

Archangkawm \iak hi chhungkaw 20 hnenah 60 zel sem a ni a, an sem zawng zawng hi kung 1,200 a ni a. hei hi a ching duh in report hnenah a thlawna pek zel a ni. Thenzawl Medicinal Plants Grower Society-ah hian member 100 bawr vel an awm a, he Society hmalakna hmasa atan State Medicinal Plant Board lam chuam Ramhmul damdawi – Anchiri, Sunhlu leh Archangkawm ching turin a ti a. Tun dinhmunah Archangkawm chi leh \iak hi an neih remchan a nih vang leh \ha tura ngaih a nih avangin hmalakna hmasa atan an nei a. A chingtute hi State Medicinal Plant Board-in an enfiah anga, \anpui zel tlaka ngaihte chu an pui zel ang a, an tharchhuah huna a hralhna thlengin an pui dawn a ni.