Thenzawla Horticulture College sak mek chu kumin June thlaa luah hman tum a ni tih Horticulture Minister-in sawi

0
539
views

Thenzawla Horticulture College sak mek chu kumin June thlaa luah hman tum a ni tih Horticulture Minister, Pu PC Lalthanliana’n a sawi a. College atana mamawh zualpui dah hman a nih chuan June ni 15 a\anga ni 30 inkarah insuan luh tum a ni a, Class pawh July ni 15 a\anga \an tum a ni tih a sawi. MNF member, Pu K. Sang\huama zawhna leh zawhbelhna dangte a chhannaah Pu PC Lalthanliana chuan, Thenzawla Horticulture College din tur chu Central Agrilculture University hnuaia awm tur a nih thu sawiin, he College hi kum 2016 khan Union Minister-in a lo hawng tawh a, Thenzawla College hmun tur chu sak zawh ala nih loh avangin Selesih-a College of Veterinary Sciences and Animal Husbandry-ah Class kal \an phawt niin, tunah hian 1st leh 2 nd Year zirlai an awm mek tih a sawi. Horticulture Minister chuan, Thenzawla Horticulture College sak mek chu kuminah peih hman vek a beisei awm lutuk lo tih sawiin, chuti chung chuan Chief Minister duh danin kumin chhung ngeia luah hman tura \anlak a nih thu leh tuna Thenzawl hmuna NIELIT-in Hostel atana an hman mek chu a \ul a nih chuan hman theih tura sawngbawl a nih tur thu a sawi. Horticulture College-a thawkte chu Contract Basis-a lak phawt an nih thu leh zirtirtu an la indaih loh avangin Horticulture Department-a Doctorate Degree nei 3-in a tir a\angin an pui a, tun thleng hian mi 1-in ala pui reng tih Pu PC Lalthanliana chuan a sawi bawk.

Minister-in zawhna a chhan zawha thil awmdan sawifiahtu Chief Minister, Pu Lal Thanhawla chuan, Mizorama Central University din a nih dawn reng rengin thawktu lakah ram leilungfa duhsak an nih theih nan thuneitute nen inremna siam \hin a ni tih a sawi a, hei hi ataka kalpui a nih theih nan State Sorkar pawhin theihtawp a chhuah zui \hin tih a sawi.