Thenzawla Oil Palm Grower Association hruaituten tun hnaia vur tla nasa avangin an thlai a chhe nasa hle niin an sawi. Thenzawl a\anga thu dawn danin, tunlai hian Thenzawl khaw chhung hmun \henkhatah, kum dang aia vur a tlak nasat bakah vur tla hian Oil Palm hmun tam tak a khuh avangin, kum danga an thar chhuah ang an thar pha dawn lo hle nia an hriat thu, Oil Palm Grower Association hruaitute chuan an sawi a ni.
Thenzawla vur tlakna hmun hi mihring chen tamna lai a ni a, hei hian khawsak phung tikhaihlak nasa lo mah se, khaw vawt avangin zing thawh a harsa zual a, naupang sikul kai hun chu tlema tihtlai deuh theih ni se an duh thu, mi \henkhat chuan an sawi a ni.
(El-a)
