Thenzawlah Pony Riding Entertainment Pu Lalsawta’n hawng

0
337
views

Finance Minister, Pu Lalsawta chuan Thenzawla AH&Vety Deptt. Farm Complex-ah sakawr chung chuanga intihhlimna, Pony Riding Entertainment vawiin khan a hawng. Hawnna inkhawma thusawiin Pu Lalsawta chuan thalaite intihhlimna leh infiamna buatsaih chu thil tul a ni tih sawiin, thalaite chu hmasawn thei tura enkawl chho zel a tul tih a sawi a, helai hmuna sakawr chung chuanga intihhlimna siam chu thalaiten tangkai taka an hman theih tur niin a sawi bawk. Finance Minister chuan Mizoram sorkarin New Economic Development Programme a duan chu a thlawna thil semna tur a ni lo tih sawiin, sawisel lova, a thatna lam thlira hman tangkai tum turin mipuite a chah a ni.