Thingsulthliah-ah lirthei chesual avangin mi 2 thi

0
282
views

Vawiin chawhnu dar 1 vel khan Tlungvel Gate Venga mi, Pi Zosiami, kum 70 vel mi leh a tunu, Selinga Donbosco School-a pawl 10 zirlai, H. Lalrinnungi, kum 15 vel mi chu an Alto car chesualah an thi. Tlungvel YMA hruaitute hnen a\anga ZONET thu dawn danin Pi Zosiami hi an chetsualna hmunah hian a thi a, a tunu, Lalrinnungi erawh chu Thingsulthliah Primary Health Centre thlenpui a nih hnuah a thi a ni. An motor khalhtu hi an chhungkhat hnai, driver senior tak, Lalhmanga Sailo a ni a, ani pawh hi na lutuk lovin a hliam a, an tlan laiin he motor hi a steering a herh kawi theih loh avangin an chesual ta niin a sawi a ni. Ruang hi Thingsulthliah damdawi inah Doctor-ten an endik a, Police ten an tih tur an tihfel hnuah an awmna, Tlungvel Gate veng panpui an ni a, naktukah vui an ni ang. Pi Zosiami hi Thingsulthliaha inneihnaa kal a ni a, a haw lamin a tunu school kal hi a lam haw a, an khaw pana an tlan chu chesualin kawngthlang awihah thui tak an lum a ni.