Thingsulthliah \halai pawl leh Thingsulthliah Students Union chuan Saitual District siam a nih chuan Thingsulthliah tlangdunga khaw 8 te Saitual District-a rin luh an remti lo.

0
238
views

 

Hemi chungchanga vawiina thuchhuah an siamah heng khaw 8, Phulmawi, Tlungvel, Darlawng, Thingsulthliah, Thingsul Tlangnuam, Seling leh Sesawngte chuan Joint Action Committee dinin an khua Saitual District-a rin luh loh an duh thu an bialtu MLA Pu R. Lalzirliana hnenah an lo thlen tawh niin an sawi a, kum 2013-a Assembly inthlanna neih dawnin an khaw mamawh thil chi hrang hrang, Thingsulthliah damdawi in, Community Health Centre puitlinga siam te, Thingsulthliah Higher Secondary School sorkar sikula hlankai te, Thingsulthliah tlangdung mipuite tui in tur pek nan Tuirini tui pump chhuah ni se tih te, Thingsulthliahah Football ground puitling siam ni se tih te, Badminton, Table Tennis, Basketball leh Tennis khelhna tur Court \ha tak siam tura ngenna an lo siam tawh te chu anmahni bialtu MLA-in a la tihpuitlin sak lo nia sawiin heng thil te hi an khaw tlangdung tana an ngaihpawimawh niin an sawi a ni.