Thla hmasa, December ni 13 a\anga Meghalaya-a lungalhtei khur chima tang, hnathawk mi 15 tun thlenga chhanchhuah an la ni chu lungawiloh thlak a tih thu Supreme Court-in vawiin khan a sawi a, hnathawkte hi an thi vek emaw, dam vek pawh ni se, a rang thei ang bera hmuh an ni tur a ni a ti bawk.

0
657
views

Puan tawh angin lungalthei lakchhuahna khur hi East Jaintia Hills-a ramhnuai kara awm a ni a, Supreme Court-in a lo khap tawh sazu kua anga laih a nih vangin chhanchhuah hna pawh hi thawh a har hle a, a bul hnaia hetiang ang khur dang a awm pawh a chim tel avang leh tui a luh nasat avangin hnathawkte hi an awmna chin tak hriat theih a ni rih lo bawk a, chhanchhuah hna hi Navy leh National Disaster Reponse Force-te chuan an thawk mek a, Coal India Limited-te tui pump-na khawl lian vawiin khan an chah thleng a, tui pump khawl siamtu company lian Kirloskar Brothers-te pawhin an khawl lian chi pali nen tui hi an paih pui mek bawk a ni.