Thla hmasa lama ruah sur nasa vanga Nagaland-in harsatna a tawhte zirchiang turin sorkar laipuiin Minister rual vawiinah a tir.

0
380
views

Puan tawh angin ruah sur nasa vang khan tuilian leh leimin a tam hle a, khaw hrang hrang 530-ah mi 50,000 vel chu hmun dang nen intlawhpawh thei loin thla khat vel an awm tawh a ni. Nagaland CM Neiphiu Rio chuan tuilian leh leiminin thil a tihchhiat zawng zawng hi siam\ha leh tur chuan cheng vbc 800 vel a mamawh dawn niin a sawi a, sorkar laipui lam a\anga \anpuina sum engmah an la dawn loh vangin an harsatna hi a inbelhchhah niin a sawi bawk a ni. Indian Air Force chuan Myanmar ramri hnaiha awm khua \henkhatah ei leh in leh mamawh zualpui thlawhna hmangin a thlak \an tawh a, chhiatna thlen dan hi August ni 5 khan Union Minister Kiren Rijiju chuan a hmunah en a lo tum tawh a, mahse khua a chhiat avangin duh angin hun a hmang thei ta lo a ni.