MNF President, Chief Minister Pu Zoramthanga chuan, BJP in Aizawl West I bial Bye Election neih tura Candate hran siam lova MNF candidate thlawp an tum chu lawmawm a tih thu a sawi a, hetihrual hian an khingpui ten MNF leh BJP thawkdun anga beih nan an hmang leh ngei dawn tih a sawi a, BJP nen thawkdun turin an hotute nen vawi khat pawh an inbe lo tih a sawi a, heti chunga an mahni thlawpa vote pui duhtute chu tumah an hnar lo tih a sawi.
An kingpuiten Campaign au hla tur an neih loh avangin thu ngai an sawi nawn an sawi nawn niin Pu Zoramthanga chuan a sawi a, MNF chu BJP zawmpui an ni, NDA leh NEDA ah an tel tih chu eptute au hla ber a ni a, NDA a an tel chu an zep loh thu sawiin, kum 2014 July thlaa MP inthlan dawnin PM Modhi hnenah NDA-a telna MNF, ZNP, MPC leh MDF president theuh ten hming ziah hnan in an thehlut vek niin a sawi a, hetihlai hian kha Pu Lalduhoma chuan NDA ah a hranin lehkha a thehlut nia sawiin, Aizawl North III inthlan \hatah pawh ZNP in BJP a tawhpui a ni a ti a, ZPM in Sorkar hmasa zu zawrh vanga mi tam tak thihna thlentu Congress party an thawhpui chu sawi mawi ngaihna an hre lo a, insawimawi an tumna pawh mipuiin an awi sak lo a ni a ti.
Lok Sabha-a MNF Candidate Pu C Lalrosanga pawhin thusawiin, MP a thlatlin a nih chuan MP danglam nih a tum thu a sawi a. Mizorama MNF sorkar lo ding chuan ni 100 awrh chhungin an hnathawh \hat tam tak mipuin an hmu a, an phur hle a ni a ti a, sorkarin a vei ang veipuia central lama an tha ti chaktu MP Mizoramin a mamawh a ni a ti. Pu C Lalrosanga chuan Sakhua leh ramri humhalh kawngah te, nekchepna laka rawngbawltute thlavang hauh kawngah te, Zofate insuihkhawmna tur atan te theihtawp chhuah a tum thu a sawi.
Aizawl West I biala Bye Election a an Candidate Pu Zothantluanga pawhin thusawiin Aizawl West I bial chu Opposition bial term 2 lo ni tawh a nih avangin rorellai biala awm tir chu mipuiten an duh a rin thu a sawi a, West I bial chhunga zirna in sang zawk a awm theihna tura \anlak a tum thu a sawi.
Campaign hawnna hi an pawl Treasurer Pu Vanlalzawma’n a kaihruai a, an party zawmthar mi engemawzat Pu Zoramthanga’n a lawmlut bawk ni.
