Thla thar ni 11 a Mizoram Lok Sabha inthlan tura MNF Candidate Pu C Lalrosanga’n Tuikum bial khaw \henkhat leh Serchhip bialah Campaign beihpui thlakin Mizorama MNF sorkar tha ti chak turin rorellai pawl mi MP neih a ngai a ni a ti.

0
220
views

Pu C Lalrosanga chuan, Ram chu Lalpa ta a nih avangin ram tana rawngbawlna hi mahni inhaivur leh nawmsak nana hman tur a ni lo a ni tih a sawi a, Assembly inthlana MNF sorkar thar lo piang chu mipuite \awngtai chhanna nia a hriat thu sawiin MNF party chu Mizo hnam nihna nationalism chawisangtu a ni a ti a. MNF sorkar thar chu a tir phat atangin hriat tham leh hmuh thamin hna an thawk nghal tih a sawi a, hemi thlawp tur leh tichak turin ruling MP ngei Parliament-ah Mizoramin a neih a ngai a, Mizoram sorkar scheme, project leh programme hrang hrang siamte bawhzui turin sorkar thlawp thei tur MNF MP ngei neih a \ul a ni a ti. Pu C Lalrosanga chuan Sorkar hna a thawh chhungin state dang hmasawnna hrang hrang a hmuh te chu Mizoram tan a rualawh \hin thu a sawi a, kum 10 kal ta chhungin Thingtlang lamah hmasawnna a luh tur angin a lut lo nasa tih sawiin Sorkar laipuia ministry leh department hrang hrangte chu Sorkar hna a thawh laia a lo dawr tawh te a nih avangin a mikhual bik lo turah a in ngaih thu a sawi. Pu C Lalrosanga chuan MP a thlantlin a nih chuan, Parliament chhung leh pawnah CAB leh Zoram tana thil thalo hrim hrim na taka a do zel tur thu sawiin Delhi tlangah emaw Mizote thlavang hauh a \ulna apiangah a tlanchhe ngai lo dawn tih a sawi.