Thlantlin a nihna bial, Kerala Wayanad bial tlawh kual zin mek, Congress President Rahul Gandhi-a’n Prime Minister Narendra Modi bei chhunzawmin, campaign auhlaah dawt leh inhuatna hmangah a puh a, hetihlai hian Congress party chu thu dik, hmangaihna leh lainatna-ah a ding nghet a ni a ti.

0
140
views

Gandhi hioan Kalpetta khuaah thu sawiin Prime Minister dawt sawi leh a rilru-a huatna inphumte chu hmangaihna nen a beilet zel dawn tih a sawi a, Prime Minister Narendra Modi chu thinrimna, thudik lo leh dawh theih lohna-a khat a ni a ti a, hei hi ram tana thil pawi thlentu tur a ni a ti.

Malappuram district-a a thusawinaah Gandhi hian congress party chu eptu party \ha tak a ni dawn tih sawiin, mirehei leh chhumchhiate tan a ding dawn a ni a ti. Rahul Gandhi hian ni thum thangin Wayanad bial hi a tlawh a, Lok Sabha inthlanah khan he bialah hian vote nuai 4 sing 3 chuangin a chak a ni.