Aero-India hi November emaw, December emaw-ah Lucknow khawpuia nghah tur nia sawi a ni a, Uttar Pradesh CM Yogi Adityanath chuan inrinni kal ta khan Defence Minister, Nirmala Sitharaman hnenah Aero India hi an state-a nghah a lo dil tawh a, an inpuahchah theih nan a rang lama puanzar a dil bawk a ni. Sitharaman hian thla tir lamah khan state eng emaw zatin Aero India hi thlen an dil niin a lo sawi tawh bawk a ni. Karnataka CM hlui, Siddaramaiah chuan Aero India hmun danga nghah a nih chuan tunhnaia BJP kaihhruai sorkar-in an state chhunga project hrang hrang tihtawp a nih vanga an rilru na belhchhah dawn niin a sawi a, Sitharaman-i chu an state phatsantua a ngaih tur thu te a sawi bawk a ni.
Aero India hi kum 1996 a\ang khan Bangalore khawpuiah hian kum khat danah neih a ni \hin a, Asia khawmualpuia thlawhna sipai exhibition neih \hinah chuan a lian ber a ni bawk a ni.
