US National Hurrican Center, NHC chuan tualchhung sana-a zinglam dar 7:15 khan Hurricane Florence hian North Carolina a nuai \an tih an sawi a, NHC hruaitu, Ken Graham chuan Hurrican Florence hi a na ber chi ni lo mahse, a kal muan em avangin a hlauhawm hle niin a sawi a, North Carolina hmun hrang hrangah chhanchhuah hna thawk an mamawh thu leh tun dinhmunah chuan mi 150 a\anga 200 vel chhanchhuah an nih tawh thu te leh mi 150 vel chhanchhuah tur an la awm mek thu a sawi bawk a ni.
Hurricane Florence vanga chhiatna hrang hrang thlengah mi 5 an thi tawh.
New Bern Police-te sawi dan chuan thi zingah hian, hmeichhe pakhat leh a fa an tel a, an chenn in thingkung tlu in a delh a ni. Thuneitute chuan New Bern tun dinhmunah harsatna an tawk nasa ber tih an sawi a, in eng emaw zat a chim bakah inchung thliin a len chhiat a tam hle tih an sawi bawk a, ruah a sur nasa hle tih an sawi bawk a, Hurricane Florence hi Pathianni thleng khian a la tleh dawn avangin New Bern-ah hian inches 10 a\anga 20 vel chu ruah a la sur dawn niin thuneitute chuan an sawi bawk a ni.
Philippines-ah pawh Typhoon Mangkhut vangin mipuiin harsatna an tawk chhunzawm zela, chhinchhiah chinah mi 3 an thi tawh.
Tukin lamah khan Philippines hmar lama chengte chuan an chenna an rauhsan a, Luzon thliarkar-a chengte pawh hmun him zawka hruai chhuah chhunzawm zel an ni a, thli hi darkar khatah mel 130 vela na-in a tleh mek tih thuneitute chuan an sawi a ni.
