Tlabung Zodin Branch Kristian Thalai Pawl-in KTP Day pualin nimin khan Mizorama phar damdawi in awmchhun, Tlabung Leprosy Hospital-a damlote hnenah tanpuina an hlan a, damdawi in leh a chhehvel an thianfai bawk. Hemi puala inkhawm tawi neihah bialtu Pastor, Jessie Zosangliana chuan, Pathianin pharte a hmangaih thu leh, phar natna chu damdawi hmanga enkawl dam theih a nih thu a sawi a, phar natna vei enkawl mekte chu an dam thuai theih nan duhsakna a hlan a ni. Pharte hnena tanpuina an hlan zawhah, KTP member-te chuan damdawi in leh a chhehvel an tihfai chhunzawm a, hemi hnu hian damlo, anmahni enkawltu leh thawktute hnen thingpui an siamsak bawk. Tlabunga Leprosy Hospital hi kum 1978-a din a ni.
