Tlawmngai pawl lian hrang hrang panga inzawmkhawm NGO Coordination Committee chuan Chief Electoral Officer, Pu SB Shashank chu CEO a nihna kalsana, tun thla ni 5 thawh\anni ral hmaa Mizoram chhuahsan turin an ti.

0
688
views

He thutlukna hi nimina Central YMA Committee Room-a NGO Coordination Committee \hukhawmin an siam a ni a, meeting hi an Chairman, Pu Vanlalruata Central YMA President ni bawkin a kaihruai a ni. Meeting neih hnua thuchhuah an siamah NGO Coordination Committee chuan tun thla ni 28-a Mizoram Assembly inthlanna neih tur chu CEO Pu Shashank-a kaihhruaina hnuaia neih a nih chuan inthlanna muanawm, zalen leh felfai a neih theih dawn loh niin an sawi a, a thil tih dan chu inthlanna thianghlim, felfai leh muanawm lam hawi ni lova an hriat thu sawiin, inthlanna buaipui zel tlakah an ngai lo niin an sawi a, Mizoram mipuiten inthlanna buaipui tura ngaihngam taka innghahna atan an hman theih tur Officer rintlak dah turin sorkar an ngen a ni.

Hemi hmalam hian Indian Express chanchinbu chuan Mizoram CEO Pu Shashank-an Mizoram Principal Secretary Home enkawltu, Pu Lalnunmawia Chuaungo chu inthlanna thila inrawlha ruahmanna tibuaiah leh Central Armed Police Force company 40 Mizorama duty tura a ngen chungchanga inrawlhah puhin inthlanna neih chhunga dahsawn turin Election Commission-ah a ngen niin a tarlang a, he thil hi bawhzuiin Election Commission duhdan tihpuitlin nan Mizoram Chief Secretary, Pu Arvind Ray chuan Pu Lalnunmawia Chuaungo sawnna tur thupek nimin vek khan a tichhuak a, chu thupekah chuan Pu Lalnunmawia Chuaungo chu Ministry of Home Affairs-a in report vat tur leh inthlanna zawhfelna tur atana ni ruat December ni 13 thleng Union Home Ministry thuhnuaia awm turin a ti a ni. Zonet thudawn danin Pu Lalnunmawia Chuaungo hian Mizoram Assembly inthlanna neih tura venhimna hna thawk turin CEO-in Central Armed Police Force company 40 a chah chu an cham chhung zawnga Mizoram sorkar sum hmanga enkawl tur an nih avangin Mizoram ang ram ralmuang leh buaina awm ngai lovah heti zat zat hi an mamawh lo ang tih a sawi vang te, Tripura Bru Camp-a Electoral Roll ennawn hna thawh chungchanga ngaihdan dang a neih vang nia sawi a ni.

He inhriatthiam lohna boruak sosang chho zel bawhzuia Central YMA Executive Committee meeting vawiin chawhnua Central YMA Office-a neih chuan nimina NGO Coordination Committee thutlukna lo siam tawh chu pawmin a thlawp a, an thilphut, CEO Pu Shashank-a tun thla ni 5 ral hmaa nawr chhuah a nih theih nan a \ul huna hnam hnatlang neih an rel a, an hnatlang neih tur chu YMA member zawng zawng leh Mizo mipuite thlawp turin an ngen a, an hmalak dan tur chungchang sawiho nan zanin dar 8-ah Vanapa Hall-ah Aizawl khawpui chhunga YMA Branch hrang hrang hruaitute kohkhawm a ni dawn a, hemi rual hian District hrang hranga Sub Hqrs. YMA hruaitute leh tlawmngai pawl hrang hrang hruaitute chu he thil chungchang hi ngaihsaka a \ul dan a zira hmala ve turin an ngen bawk. He CEC meeting hi an President, Pu Vanlalruata’n a kaihruai a ni.

 

Hetihlai hian Mizo National Front
Party chuan NGO Coordination Committee thutlukna lo siam tawh chu a thlawp tih thuchhuah siamin an tarlang a, Principal Secretary Home, Pu Lalnunmawia Chuaungovin Tripura Bru Camp-a Bru awmten Mizoram Assembly inthlanna neih tura vote an thlak dan tur chungchang leh Election Commission-in Bru Camp-a vote thlak tir lo tura intiamna a lo siam tawh tipuitling tura hma a lakna chu an thlawp thu sawiin, CEO-in Pu Lalnunmawia Election Commission-a a hek chu an hriatthiam loh thu an sawi a, Bru Relief Camp-a awmte Electoral Roll-a thun tur leh vote thlak kawnga midangte aia duhsak bik tumna reng reng chu an duh loh thu sawiin, MNF chuan NGO Coordination Committee thutlukna siam chu an thlawp tlat dawn tih an tarlang a ni.