Tlawmngai pawlte nena thawkho thei sorkar neih chakawm tawh tih ZNP President-in sawi

0
361
views

ZNP President, Pu Lalduhawma’n tlawmngai pawlte nena thawkho thei sorkar neih thuai a chakawm tawh thu a sawi a, vawiina ZNP office-a an party inkhawm-ah ZNP President chuan, tunlai hian kum 2015-a hawn tawh, Borapansuri-a chawlhbuk chu MZP hruaituten tuai hnum thar lehin, chumi pah chuan dan kalha Foreigner lo lutten khua an dinte chu a hmunah enfiahin, VC Member-te leh Young Chakma Association hruaitute hmaichhanah an va hmachhawn niin a sawi a, ram dang mi, dan kalha lo lut rute hnawtchhuak tura Central sorkarin state sorkar a nawr reng chung pawha, an vote it avanga an kut an kuangkuah tlat laia zirlaite an che reng hi thlamuanthlak kan ti a ni, a ti bawk. Thil siam chhuah a\anga GSDP-a Mizoramin a thawh chu za-a 21.10 chauh nia sawiin, tun thlenga No Industrial State tih la nih reng mai chu zahthlak hle a ni, a ti a, sorkar laipui a\angin \anpuina dawn tur a awm \euh a, heng subsidy-te hi a vaiin 2013 November thla a\ang khan Mizoram sorkarin a tihtawpsak ta vek a, sorkar chu ISPAT tan Guarantor-a a \an theih laiin, mi dang tan Guarantor-a din erawh chu a khap a, a khapna Dan hial a passed niin a sawi bawk.