Tlawmngaipawl hrang hrang intelkhawm, NGO Co-Ordination Committee-in Lok Sabha inthlanna neih turah Tripura Transit Camp-a Tuikuk awmte hmun khata vote thlak tir tum an nih chuan inthlan buatsaih a nih loh nan hmalak an tum tih an sawi.

0
402
views

NGO Co-Ordination Committee hi vawiin khan Central YMA pisaah an \hukhawm a, Tripura Transit Camp-a Tuikuk awm te chu Sorkar nena inremna pawh zawm duh lova vawi tam tak Mizorama rawn let tura tih an nih hnu pawha let duh lo an ni tih an sawi a, Lok Sabha inthlanna neih turah pawh vote thlak tir an nih dawn chuan a hrana Special polling Station siam sak chu an remtih tawh loh thu an sawi a, an vote neihna Polling Station a vote an thlak theih nan ruahmanna siam turin thuneitute an phut a ni.

NGO Co-Ordination Committee chuan, Assam Rifles-te Lammual leh a chhehvel a\anga Zokhawsang lama sawnchhuah tura thupek siam a ni ta chu lawmawm an tih thu an sawi a, hetihrual hian Assam Rifles in an chhuahsan tur ramah mi\henkhatin LSC pass an lo nei tih hriat a nih thu te, Sipaiin an luah reng laia fel lo taka LSC lo siamrutute leh mawhphurtute chungah na taka hremna pek an phut thu te an sawi a, AR ram chhuhsan turah mimal ram neih engti kawng mahin an phal dawn lo tih sawiin tuna LSC nei te pawh rang taka cancel sak turin sorkar an phut tih an sawi.