Tlawva Mini Hydel Project-a hnathawk, mi 53 te ILP tihnun ngai vek a ni tawh

0
434
views

Champhai District-a Khuangthing khaw Branch YMA-in vawiin khan an khaw ram chhunga Tlawva Mini Hydel Project-a hnathawkte Inner Line Permit an endik a, hnam dang hnathawktu, mi 53 ILP chu tihnun ngai vek a ni tawh tih hmuh chhuah a ni. YMA hruaitute zawhna chhangin he Mini Hydel Project siamtu, Nortex Company hotute chuan hnathawktute ILP chu tihnun turin tunah hian buaipui mek niin an sawi a, kumin September ni 15 hmaa tinung kim vek turin an hriattir a ni. Khuangthing YMA hruaitute chuan Tlawva Mini Hydel Project-a hnathawh dan an en nghal a, a zawh hun tura ruat, nakkumah an zawh hman loh an hlauh thu an sawi a, hnathawktute chu chak zawka hnathawk turin an ngen a ni.