Kum 2016 khan Vanlalvena hian tleirawl pakhat a pawngsual a, amaherawhchu, he tleirawl hian a sawi chhuah ngam loh avangin a rai len hnu, kum 2017 March thla khan a chhung ten an hre chhuak chauh a, Champhai Child Welfare Committee Chairman-in Khawzawl Police Station-ah FIR a thehlut a ni. He pawngsual thubuai hi Police sub inspector R. Lalremruata’n chhui nghalin Court-ah report kimchang a thehlut a, Court chuan Vanlalvena hi thiam loh chantirin kum 10 chhung hrehawm taka lung in tang tur leh Rs.5,000/- chawi turin a hrem a ni.
