Tlungvel Village Council sorkarin a \hiahna thupek chu Gauhati High Court Aizawl Bench in a hnawl nawn leh.

0
370
views

Tlungvel Village Council hi thil ti dik lova puh an nih avangin nikum August ni 6 khan Mizoram sorkarin a \hiat a, VC dinglaite court-a an zulko hnuah court chuan sorkar \hiahna thupek hi August ni 21 khan a hnawl a, hemi hnu hian sorkar chuan November ni 22 khan a thiat nawn leh a, High Court hian he thu hi Nilaini khan ngaihtuah nawn lehin, Judge, Justice Nelson Sailo chuan sorkarin Tlungvel VC a \hiah nawn lehna thupek hi a hnawlsak leh a ni.

Tlungvel-ah hian VC member paruk zinga pali chu congress member an ni a, a dang pahnihte chu MNF member an ni. National Highway number 54 laih zauhna tura ram lak turah zangnadawmna an dawn theihna tura ram inpe-ah Tlungvel VC te hi puh an ni a, LAD Secretary chuan VC \hiahna thupek hi nikum August ni 6 khan a ti chhuak a. VC te hi Gauhati High Court Aizawl Bench-ah an zualko a, Village Council dan hmanlai, The Lushai Hills District (Village Council) Act 1953 hnuaia Section 25(1) ah Village Council te an term tawp hmaa \hiah an nih dawn chuan insawifiahna hun pek tur an ni tih a ni a, sorkarin insawifiahna hun pe lo-a VC dinglai a \hiat chu he dan bawhchhiatna a nih bakah rorelna dik kalphung, Priciples of Natural Justice kalh a ni tih Court chuan sawiin a lo hnawl tawh a ni.

Hemi hnu hian Mizoram sorkar chuan Tlungvel Village Council te thil ti suala puhna hi chhui nawn lehin hemi behchhan hian nikum November ni 22 khan a thiat nawn leh a. Hei hi High Court ah bawk khinlet leh a ni a, Court hian VC thiahna thupek siamtu sorkar chuan VC te a chhui nawn lehna re-verification report hi VC te hnenah a pe lo tih a lan thu a sawi a, \hiahna thupek hmasa court in a hnawl chhan ang tho a thlen nawn leh avangin Sorkar thupek chu hnawl a ni tih a sawi.