Totaliser khawl hman a la nih loh chhan SC-in sorkar laipui zawt

0
2634
views

Polling Booth pakhata vote tlak dan thup theihna tur, Totaliser khawl hman a la nih loh chhan Supreme Court-in sorkar laipui a zawt a, Sorkar laipui ukil-te chuan tunhnaia party zawng zawng hruaitute inhmuhkhawmna-ah Totaliser khawl hman chungchang hi sawiho a nih thu leh, hman an duh loh vek bakah, a him tawk lo nia an hriat thu an sawi a. Totaliser khawl hi Election Commission chuan hman a lo tum tawh thin a, he khawl hian Polling Booth hrang hranga EVM-te thlunzawmin, a rualin Booth 14-a vote tla te a rualin a chhiar thei dawn a ni. Tun dinhmunah chuan vote tla-te hi Booth mal te tea chhiar a ni a, Party-te pawhin Booth khata vote tlak dan an hriat theih vek avangin, vote thlaktute tan a him lo a ni a ti a, Totaliser hi hman a nih chuan invauna thleng thin-te pawh a ti tlem dawn niin EC lam chuan a lo sawi tawh thin a ni. He thu hi chawlhkar hnih hnuah SC chuan a ngaihtuah tha leh dawn a, hemi chungchangah hian affidavit thehlut turin EC pawh a hriattir nghal bawk a ni.