Tourism Minister, Pu John Rotluangliana chuan Rajiv Nagar-ah vawiin khan Tourist Lodge Rs. 1,54,48,000/- senga sak a hawng.

0
333
views

 

Hawnna thusawiin Tourism Minister chuan Rajiv Nagar leh a chhehvel tihhmasawnna tura hmalak sorkarin a tumna chu tihhlawhtlin a ni ta niin a sawi a, he tourist lodge hmangtute chuan sorkarin thlenna rate an bituk ang an pek a ngai dawn tih sawiin, Rajiv Nagar leh a chhehvel khuaa mite chu tourist lodge thar an neih chu duat taka mahni ta anga enkawl turin a chah a ni. Pu John Rotluangliana chuan Mizoram sorkarin ramria chengte hmasawnna leh ham\hatna a ngaihtuah avangin hmuh theiha hmasawnna hnathawh tam tak a awm niin a sawi bawk a ni.

Transport Minister ni bawk, Pu John Rotluangliana chuan vawiin a\anga All Mizoram Maxi Cab Owner Association-ten nawrh an huaihawt chu pawi a tih thu sawiin, an thil phut Maxi Cab chuan man tihsan chungchang chu sorkarin ngaihtuah tawhin kumin May ni 22 a\ang khan rate tihsan chu hman \an a ni a, thla 4 vel chauh hman a la nih avangin rate hi ennawn a la ni lo niin a sawi a, Maxi Cab Owners Association ten phut, All Mizoram Permit an tih chu line bik neia service \heuh an nih avangin tun atan chuan Mizoram sorkarin \ul rih lovah a ngai a, chumi kara All Mizoram Permit nei bika, duh duhna hmuna tlan bik chu thil \ha berah sorkarin a ngai lo niin a sawi bawk. Minister chuan Maxi Cab Owner Association chu mipui tana awngbawltu pawimawh an ni tih hre renga, an nawrh titawp turin a ngen bawk.

Pu John Rotluangliana hian NEDP leh NLUP hmang kawpa huam zau zawka Soil & Water Conservation Department hnuaia hmalaknaah hmunphiah chin thlangtu chhung 26 hnenah \anpuina Rs. 50,000/- \heuh pekna tur lehkha a sem bawk.

Rajiv Nagar-a Tourist Lodge thar hawn tak hi concrete building chhawng thum a ni a, a pumpui zau zawng hi sq.meter 136.07 a ni.

Tourism Minister hian vawiin vek khan BADP sum Rs.20,00,000/- senga sak Young Chakma Association Hall a hawng bawk.