Nagaland-a sorkar lai party, Naga People’s Front chhungkaw buaina chu chinfel a ni dawn hnai tawh nia hriat a ni a, nimin khan CM TR Zeliang leh an party President Shurhozelie Liezietsu-te chuan inremna thu an thlung. Zeliang leh Liezietsu-te hian thawhdun leh an remtih thu leh ni hnih khat chhunga engkim an tihfel theih an inrin thu State Health and Family Welfare Minister Imkong L Imchen chuan a sawi a, an hnam thil chungchang-te an ngaih pawimawh avang leh an party danpui an zah avangte leh, Election Commission-in inrem tura a tih vangte a nih thu a sawi bawk a ni. Puan tawh angin kumin July thla khan NPF MLA 36-te chuan CM a nihna a\angin Lieizietsu chu paihthlak tumin, Zeliang hi an thlawp thu an puang a, hei vang hian NPF hi pahnih-ah a phel a, CM hlui Neiphiu Rio chu pawl thar zawk hian an President-ah an puang nghal a ni. Nimina an inremna-ah hian Rio pawh a tel ve a, inzawmkhawm leh pawh hi a thlawp avangin, President a nihna pawh hi a bansan zui ve nghal a ni.
Chanchin Thar TR Zeliang leh Shurhozelie Liezietsu te inrem
