Traffic tawt lutuk tihziaawm nana hmalakna pakhat Parking House Support Scheme (PAHOSS) hnuaiah dilna 419 a lut tawh.

0
393
views

He ruahmanna bawhzui a nih dan hi vawiin khan Chief Minister, Pu Zoramthanga hovin thlirho a ni a, Report a\anga a lan danin, Aizawl khawpui chhung area pali – Aizawl North, South, East leh Aizawl West a\angin dilna 419 a lut tawh a, heng dilna hrang hrangte hian PAHOSS inkaihhruainain a sawite an tlin em tih enfiah nghal a ni a. Traffic tawt zualna hmun Chanmari leh Dawrpui inkar te, Kulikawn a\anga Sikulpuikawn leh Khatla inkarte chu ngaihpawimawh hmasak ni se an ti a ni.

PAHOSS hi kumin February ni 6 khan Chief Minister, Pu Zoramthanga’n a tlangzarh a. He hmalakna hmang hian Aizawl khawpui chhung kawngpui dunga in dinglai emaw a sakna tur hmun ruak emaw neite chu lirthei dahna, “parking house” an siam duh a nih chuan Sorkarin \anpuina a pe dawn a ni. |anpuina pek tur hi LMV pakhat dah theihna zelah emaw 2-wheeler paruk dah theihna zelah emaw cheng nuai 1 a ni a. Parking fee rate hi AMC in bitukin, a neituten a luah man an tel thung dawn a ni. He \anpuina dawng thei tur hian a lo berah LMV panga emaw two-wheeler 30 chin tal len theihna hmun neih a ngai thung a, In chu permanent structure tur a ni a, bang feet 5 tala sanga sak tur a ni a, tun hma a\anga parking atana lo hman tawh sa building tan erawh he \anpuina hi dawn theih a ni lo.