Transport Minister Pu TJ Lalnuntluanga’n Zofate inpumkhatna leh intlawhpawh tawnna atana \angkai tur Aizawl a\anga Churachanpur, Jampui leh Tahan-a bus service tuma hma a la chu fakawm an tih thu ZORO General Headquarters in a sawi.

ZORO executive meeting vawiina Aizawla \hukhawm chuan Transport Minister hmalakna zarah Zofate inpumkhatna chuan hma a sawn chak hle a beisei tlat tih an sawi a, Zofate inpumkhatna vei mi minister chu an chhunang takzet tih an sawi.

ZORO Exe Meeting chuan tunhnaia boral Pu L Malsawma Colney an sun thu pawh an sawi a, amah kha Mizo hnam zalenna atana rilru, ngaihtuahna zawng zawng leh tha leh zung sengtu, Mizo hnam zalenna sual kawnga sul sutu zinga mi, Zofate insuihkhawm lehna atana theihtawp chhuaha beitu a ni an ti.