Triple Talaq dan bawhchhiatnaah ngai tawh dawn

0
347
views

Muslim mipaten ‘talaq’ tih thu vawi thum an sawia an nupuite an \hen theihna chu dan kalh a ni tih nemnghehna tur chu vawiin khan Union Cabinet-in a pawm a, he bill-ah hian “triple talaq” hi dan bawhchhiatnaa ngaih tawh tur a nih thu tarlan a ni ang a, he bill hi tun Parliament thlasik \hutkhawmah hian pass nghal beisei a ni. August thla khan Supreme Court chuan thup>k siamin, Muslim mipaten ‘talaq’ tih thumal, vawi thum an sawia an nupuite an \hen theihna chu danpui kalh a ni tih a lo puang tawh a, tunlai phei chuan \awngkam mai ni lo, WhatsApp leh text message hmang pawha he thumal hi in thawn a, in\hen mai theih a nih tawh avang leh, hei hi hmeichhe chanvo leh an dikna rah behna a nih avangin, court chuan he thup>k hi a siam a, heti chung hian “triple talaq” hi hman zui zel a la ni tih sorkar chuan a sawi. He bill, Muslim Women (Protection of Rights on Marriage) Bill, hi sorkarin a ngai pawimawh hle a, Home Minister, Rajnath Singh-a hovin minister \henkhatin an duang a ni.