Tripura-a awm mek Bru-te Mizoram Electoral Roll-a thun tura Hearing neih a ni chu an duh loh thu ZPM-in an sawi.

0
442
views

Thuchhuah an siamah ZPM chuan, Bru-te tan hian tun thla ni 25, thawh\anni khan Kanhmunah Electoral Roll Hearing hi neih a nih thu leh hetah hian Electoral Roll-a inthun dil mi 3,500 lai koh an ni leh chung zinga mi 2,836 te chu hearing neihsak an ni chu \ha lo an tih thu an sawi a. Bru-te chu Tripura camp-a \anhmun khawh a, vawi tam tak Mizorama lo kir tura Mizoram sorkar leh sorkar laipuiin an lo hriattir fo tawh, tlawmngai pawlte pawhin Mizorama lo kir tura theihtawp chhuaha an lo sawm tawh an ni chunga Mizorama lo lut duh lote an ni a, an zinga eng emaw zat phei chu Tripura-a piang an ni a. Mizorama lo kir duh si lo, Mizorama vote neih duh bawk si te tana Electoral Roll-a thun tura hearing neih luihtir an ni chu ZPM chuan a hrethiam lo tak zet a. Heng mite dinhmun dik tak chu hria a, buaina lian zawk cho chhuak lo zawnga thutlukna siam thiam turin ZPM chuan thawktute an ngen tih an sawi a ni.