Tripura-a Bru Relief Camp-a awmten an lungawilohna lantir tum

0
573
views

Tripura-a Bru Relief Camp 6-a awm, pawl hrang hrangten kawng hrang hranga lungawilohna lantir an tum. Hei hi anmahni enkawl tura sorkar laipuiin a ruat, Home Ministry-a Special Secretary (Internal Security), Pu Mahesh Kumar Singla-a thil tih dan an duh lohzia lantirna tur a ni a, tun kar Nilaini khan Naisingpara Multipurpose Centre-a \hu khawma hemi chungchang hi an ngaihtuah hnuah, Mizoram Bru Displaced People Forum leh pawl hrang hrangte chuan anmahni enkawltu Special Secretary, Pu Mahesh Kumar Singla chuan nakkuma Mizoram Assembly inthlan hma ngeia Mizorama let vek turin nasa takin a nawr a, hemi kawnga chak zawka a nawr theih nan anmahni enkawlna sum, sorkar laipui a\anga puitling pakhat zelin ni khatah Rs.5 leh naupang pakhat zelin ni khatah Rs.2.50 an dawn pawh Bank kal tlanga pek vek tur an ni tawh tur thu a sawi chu an tana harsatna nasa tak thlentu tur niin an sawi a, heti a nih dawn chuan Bank tinah chhungkaw hotu berin account a hawn a ngai a, Adhaar Card leh Elector’s Photo Identity Card neih a ngai a, tuna Relief Camp-a awmte zingah Elector’s Photo Identity Card nei chu za zela 40 vel chauh an nih avang te, an awmna hmun chu Bank hnai ber a\ang pawha a hlat vangtein harsatna nasa tak an tawk dawn niin an sawi. Mizorama kir thuai tura Pu Mahesh Kumar Singla-a’n a nawrna hi ngaihtuah nawn leh turin Tripura-a Bru Relief Camp 6-a awmte chuan an ngen a, Mizorama an kir hmaa sorkarin a tihpuitlin an phut thil chi hrang hrang, Supreme Court-a an thlen chu chin fel a nih hma chuan hmun dangah an che sawn thei lo niin an sawi. Lungawi lohna lantir dan tur an duante chu thla leh December thlaah Naisingpara a\anga Dosda-a BDO Office thleng, a huhova kawng zawh, chumi hnua an thil phut a hlawhtlin loh chuan Naisingpara a\anga North Tripura District Hqrs. Dharmanagar thlenga kawng zawh, hemi hnuah pawh an la hlawhtlin loh chuan Guwahati, Tripura leh Mizoram panna kawngpui sira poster tar leh Agartala khawpuia awm khawma lungawi lohna lantir te a ni. Zawhna chhangin MBDPF hotute chuan tunah hian Pu Mahesh Kumar Singla ruahman angin MBDPF hruaitute chu sorkar nena thiltih ho ngai thil chi hrang hrangah thlauh thlak mek niin an sawi a, Ram Khrisna Mission leh Ashram hrang hrangten an chawm a, lehkha zir chhuak, Bru camp-a mite chu anmahni thlak nan leh an thil tum tihhlawhtlin nan hman tumin hma an la mek niin an sawi a ni.