Mizoram Bru Displaced People Forum Vice President, Pu Laldawngliana’n Zonet a hrilh danin Naisingpara, Asapara leh Hazacherra camp-a awm te hian kumin January thla quota buhfai hmun thuma \hena hmun hnih vel chauh an la hmu a, a bak zawng chu buhfai leina tur sum sorkar laipui a\anga an hmuh zui loh chhuanlamin heng camp pathum enkawltu Kancharpur Sub Divisional Magistrate chuan buhfai an pe thei rih lo niin a sawi a, tangkafaia \anpuina sum an dawn \hin, Cash Dole tia hriat, puitling tan ni khatah cheng 5, naupang tan ni khatah cheng 2, duli-a an pek \hin chu nikum November thla a\ang khan pek chhunzawm an ni lova, hetihlai hian sorkar laipui thupek kumin January ni 11-a Union Home Ministry-in a chhuahah chuan Tripura Bru Camp 6-a Mizoram mi awmte Mizorama hruaikir zawh hun atan kumin March ni 31 thleng hun pawhsei a ni a, hemi rual hian Camp-a awm te ration buhfai leh \anpuina sum dawn \hin chu pek chhunzawm tur tih a ni. Hetihlai hian Panisagar Sub Division hnuaia Relief Camp 3, Kaskau, Khakchangpara leh Hamsapara Camp-a awm te erawh chuan buhfai dawn kawngah harsatna lian tham an la tawk lo nia thudawn a ni. Buhfai leh \anpuina sum an dawn \hin pek chhunzawm chungchanga Naisingpara, Asapara leh Hazacherra camp-a awmten harsatna an tawh chungchangah hian vawiin khan MBDPF hruaitute kaihhruaiin Naisingpara-ah inkhawm neih a ni a, hetah hian an lungawilohna lantir dan tur chungchang an rel a, a \ul chuan National Highway dan pin thlengin hmalak an tum niin an hruaitute chuan an sawi a ni.
